ՆԱՏՕ-ն բաղկացած է գործընկերների միջև բարեկամությունից․ Լյուքսեմբուրգի ԱԳ նախարար

ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ։ Լյուքսեմբուրգի արտաքին գործերի նախարար Քսավյե Բետելը հայտարարել է, որ ՆԱՏՕ-ն ոչ միայն համերաշխություն է անդամ երկրների միջև, այլ այն բաղկացած է գործընկերների միջև բարեկամությունից։ 

«Արմենպրես»-ի փոխանցմամբ՝ Բետելն այդ մասին գրել է X-ի իր միկրոբլոգում։ 

«Ուրախ եմ, որ հնարավորություն ունեցա հանդիպել և մտքեր փոխանակել իմ գործընկերներից շատերի հետ: 

ՆԱՏՕ նշանակում է համերաշխություն անդամ երկրների միջև, բայց այն նաև ստեղծված է գործընկերների միջև բարեկամությամբ», - նշված է Բետելի գրառման մեջ։ 

Լյուքսեմբուրգի ԱԳ նախարարը գրառմանը կից լուսանկարներ է հրապարակել ՆԱՏՕ-ի գագաթնաժողովի շրջանակներում ունեցած հանդիպումներից, այդ թվում՝ Հայաստանի արտաքին գործերի նախարար Արարատ Միրզոյանի, Բելգիայի և Իսլանդիայի ԱԳ նախարարների հետ: 

Glad to have had the opportunity to meet and exchange with many of my colleagues. #NATO means #solidarity between member countries, but it is also made of friendship between partners 🤝 pic.twitter.com/yg4Egi0ASi

— Xavier Bettel (@Xavier_Bettel) July 12, 2024