«Մալաթիա-Սեբաստիա» մանկական առողջության կենտրոնում կայացել է «Առողջ մանկություն» խորագրով նկարների ցուցահանդես
1 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: «Մալաթիա - Սեբաստիա» մանկական առողջության կենտրոնում կազմակերպվել է «Առողջ մանկություն» խորագրով նկարների ցուցահանդես:
Ինչպես «Արմենպրես»-ին տեղեկացրին Երևանի քաղաքապետարանից, նախաձեռնությունը հնարավորություն էր տվել կենտրոնում հաշվառված երեխաներին ներկայացնել իրենց ստեղծագործությունները:
Ըստ աղբյուրի՝ միջոցառմանը բազմամյա աշխատանքային փորձ ունեցող բժիշկներն արժանացել են Երևանի քաղաքապետի շնորհակալագրերի: Պարգևները բուժաշխատողներին է հանձնել Երևանի քաղաքապետարանի առողջապահության վարչության պետ Դավիթ Կարապետյանը: Ցուցահանդեսի մասնակից բոլոր երեխաները ևս ստացել են շնորհակալագրեր:
Նշվում է, որ «Մալաթիա - Սեբաստիա» մանկական առողջության կենտրոնն այսուհետ նաև ռենտգեն ախտորոշման ծառայություն կմատուցի: