Հայաստանի ԱԺ պատգամավորները կգործուղվեն Չինաստան

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Հայաստանի ազգային ժողովի պատգամավորները կգործուղվեն Շանհայ՝ մասնակցելու  «Երիտասարդության զբաղվածություն եւ Մեկ գոտի եւ ճանապարհ երկրների զարգացում» խորագրով ծրագրի շրջանակներում կազմակերպվող սեմինար դասընթացներին: 

«Արմենպրես»-ն այս մասին տեղեկացավ ԱԺ նախագահի համապատասխան կարգադրությունից:

Հուլիսի 17-30-ը Շանհայ (Չինաստանի Ժողովրդական Հանրապետություն) կգործուղվեն Ազգային ժողովի «Քաղաքացիական պայմանագիր» խմբակցության պատգամավորներ Տիգրան Պարսիլյանն ու Լիլիթ Մինասյանը: