1 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինը Ծաղկաձորում հանդիպել է ՌԴ թենիսի հավաքականների մարզիկների և մասնագետների հետ։
«Արմենպրես»-ի փոխանցմամբ՝ այս մասին նշված է ՀՀ-ում ՌԴ դեսպանատան ֆեյսբուքյան էջում տարածված հաղորդագրության մեջ։
Հանդիպումը տեղի է ունեցել Ծաղկաձորի գլխավոր մարզական համալիրում։
«ՀՀ Ազգային ժողովի պատգամավոր Իշխան Զաքարյանի և Ռուսաստանի թենիսի ֆեդերացիայի նախագահ, Միջազգային օլիմպիական կոմիտեի անդամ Շամիլ Տարպիշչևի հետ քննարկվել են հայ-ռուսական մարզական փոխգործակցության զարգացման հեռանկարները»,-նշված է հաղորդագրության մեջ։