387.97
Պուտինը խոսել է Միութենական պետության զարգացման մասին
1 րոպեի ընթերցում
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը հայտարարել է, որ Միութենական պետությունը զարգանում է, և առաջին փուլում անհրաժեշտ է լուծել ոչ թե քաղաքական, այլ տնտեսական բնույթի հարցեր:
«Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»–ն:
«Ինչ վերաբերում է միութենական պետությանը, այն զարգանում է: Մենք հիշում ենք այն բոլոր նպատակներն ու խնդիրները, որոնք դրված էին սկզբնական փաստաթղթերում, և մենք, ըստ էության, գնում ենք այս ճանապարհով: Բելառուսի նախագահը կարծում է, և ես աջակցում եմ նրան, որ առաջին փուլում անհրաժեշտ է լուծել ոչ թե քաղաքական, այլ տնտեսական բնույթի հարցեր»,- ասել է Պուտինը:
Ռուսաստանն ու Բելառուսը Միութենական պետության ստեղծման մասին պայմանագիրը ստորագրել են դեռ 1999–ին:
Բաժանորդագրվեք մեր ալիքին Telegram-ում
