Ադրբեջանում սեպտեմբերի 1-ին խորհրդարանական արտահերթ ընտրություններ կանցկացվեն

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը հրամանագիր է ստորագրել Միլլի Մեջլիսը (խորհրդարան) ցրելու և սեպտեմբերի 1-ին արտահերթ խորհրդարանական ընտրություններ նշանակելու մասին։

Ինչպես հաղորդում է «Արմենպրես»-ը, այս մասին տեղեկությունը հրապարակված է Ադրբեջանի նախագահի պաշտոնական կայքում: 

Ադրբեջանի Միլլի Մեջլիսը լուծարման և արտահերթ ընտրություններ նշանակելու որոշման նախագիծ էր քվեարկության դրել հունիսի 21-ին: Նախագիծն ընդունվել էր: