Սարգիս Խանդանյանն ու Լատվիայի ԱԳՆ պետքարտուղարի տեղակալը քննարկել են միջխորհրդարանական հարաբերությունների ընդլայնումը

1 րոպեի ընթերցում

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ։ Հայաստանի Հանրապետության Ազգային ժողովի արտաքին հարաբերությունների մշտական հանձնաժողովի նախագահ Սարգիս Խանդանյանը հանդիպել է Լատվիայի արտաքին գործերի նախարարության պետքարտուղարի տեղակալ Անջեյս Վիլումսոնսի հետ:

«Արմենպրես»-ի հաղորդմամբ՝ տեղի ունեցած հանդիպման մասին Խանդանյանը գրառում է կատարել X-ի իր միկրոբլոգում։

«Անջեյս Վիլումսոնսի հետ քննարկվել են երկկողմ հարաբերությունների և տարածաշրջանային անվտանգության իրավիճակը։ Հայտնել եմ իմ պատրաստակամությունն՝ ընդլայնելու Հայաստանի և Լատվիայի միջև միջխորհրդարանական գործընկերությունը»,- գրել է Սարգիս Խանդանյանը։

Հայերեն Español فارسی Français Русский Türkçe