Հայաստանի Հանրապետությունն ու Ռուսաստանի Դաշնությունը միշտ կլինեն բարեկամներ եւ կզարգացնեն երկկողմ հարաբերությունները․ Զախարովա

2 րոպեի ընթերցում

ՄՈՍԿՎԱ, 13 ՀՈՒՆԻՍԻ, ԱՐՄԵՆՊՐԵՍ։ Ռուսաստանի Դաշնության Արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ  Հայաստանի Հանրապետությունում տեղի ունեցող ներքաղաքական բոլոր իրադարձությունները Հայաստանի՝ որպես ինքնիշխան պետության ներքին գործն են։ 

«Արմենպրես»-ի թղթակցի փոխանցմամբ՝ խոսելով հայ-ռուսական հարաբերությունների մակարդակից՝ ամենշաբաթյա մամուլի ասուլիսի ժամանակ Զախարովան նշել է, որ դրանք միշտ կառուցվել են իրավահավասարության, փոխշահավետության, տարածաշրջանում իրավիճակի բարդության ընկալման հիման վրա։

«Շատերն են ուզում փլուզել այդ հարաբերությունները, շատերը քիչ ջանք չեն գործադրել դրանք վնասելու համար, բայց, իմ կարծիքով, Ռուսաստանն իր բաց սրտով ու հոգով արել է ամեն ինչ, որպեսզի ձախողվեն այդ փորձերը՝ ուղղված ոչ թե Ռուսաստանի, այլ հենց երկկողմ հարաբերությունների կործանման դեմ, որոնք հարվածել են առաջին հերթին հայ ժողովրդին ու տարածաշրջանի կայունությանը։ Կարելի է ասել՝ հենց տարածաշրջանի կայունության ու անվտանգության համար են զոհաբերվել բազմահազար կյանքեր ու ճակատագրեր, այդ թվում՝ ՌԴ քաղաքացիների՝ մեր զինծառայողների, որոնք պաշտպանել են տարածաշրջանն ու հայ ժողովրդին։ Մենք այնքան հոգի ենք դրել, այնքան ուժ ու ջերմություն ենք ներդրել մեր հարաբերությունների զարգացման համար, որ որեւէ կերպ  հնարավոր չէ դրանք փչացնել։ Այդ ամենը պետք է հաշվի առնել»,- ասել է Զախարովան՝ համոզմունք հայտնելով, որ Հայաստանի Հանրապետությունն ու Ռուսաստանի Դաշնությունը միշտ կլինեն բարեկամներ եւ կշարունակեն զարգացնել երկկողմ հարաբերությունները։

Հայերեն English Français Русский

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը