Մահացել է Իրանի Իսլամական հեղափոխության պահապանների կորպուսի բարձրաստիճան հրամանատար Վաջիհոլլահ Մորադին. ԶԼՄ

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Իրանի հյուսիսում գտնվող հիվանդանոցներից մեկում չճշտված հիվանդությունից մահացել է Իսլամական հեղափոխության պահապանների կորպուսի «Ղուդս» ուժերի բարձրաստիճան հրամանատար Վաջիհոլլահ Մորադին:

«Արմենպրես»- ի հաղորդմամբ՝ ինչպես փոխանցում է Iran International (Iranintl) լրատվականը, այս մասին հայտնել են Իրանի պետական լրատվամիջոցները:

Նա նախկինում ծառայել է որպես «Ղուդս»-ի՝ Իմամ Ալիի հատուկ ստորաբաժանումների հրամանատարի տեղակալ և եղել է դիմադրության ճակատի գլխավոր հրամանատարը: