367.29
Մոսկվայում անցկացվում է համաժողով՝ ԱՊՀ-ի, Ասիայի, Աֆրիկայի, Լատինական Ամերիկայի ներկայացուցիչների մասնակցությամբ
1 րոպեի ընթերցում
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Աֆրիկայի, Ասիայի, ԱՊՀ-ի, Մերձավոր Արևելքի, Լատինական Ամերիկայի և Եվրոպայի երկրների առաջատար քաղաքական ուժերի պատվիրակները հավաքվում են «Հանուն ազգերի ազատության» համաժողովի հանդիսավոր բացմանը Մոսկվայի Միությունների տան սյունազարդ դահլիճում: «Արմենպրես»-ի փոխանցմամբ՝ այդ մասին հաղորդում է ՏԱՍՍ գործակալությունը:
Միջոցառմանը նաև ժամանել է Կենտրոնաֆրիկյան Հանրապետության (ԿԱՀ) նախագահ Ֆաուստեն Արքանժ Տուադերան, որը կմասնակցի համաժողովի լիագումար նիստին և հանդիպում կունենա ՌԴ անվտանգության խորհրդի փոխնախագահ Դմիտրի Մեդվեդևի հետ։
Համաժողովի միջոցառումներին հավաքվել են մոտ 400 պատվիրակներ։ Նրանք կքննարկեն պետությունների ինքնիշխան գործերին միջամտության, նեոգաղութատիրական ապակառուցողական գործելակերպին հակազդման, քաղաքական, ֆինանսատնտեսական, տեղեկատվական և այլ ոլորտներում անկախության հարցեր։
Սա «Հանուն ազգերի ազատության» գաղութատիրության արդի գործելակերպերի դեմ պայքարի կողմնակիցների առաջին միջազգային միջկուսակցական համաժողովն է:
Բաժանորդագրվեք մեր ալիքին Telegram-ում