Նիկոլ Փաշինյանը Էմանուել Մակրոնի հետ հեռախոսազրույցի ընթացքում շեշտել է ԼՂ-ում հումանիտար ճգնաժամի հաղթահարմանն ուղղված քայլերի անհրաժեշտությունը
1 րոպեի ընթերցում
![Նիկոլ Փաշինյանը Էմանուել Մակրոնի հետ հեռախոսազրույցի ընթացքում շեշտել է ԼՂ-ում հումանիտար ճգնաժամի հաղթահարմանն ուղղված քայլերի անհրաժեշտությունը](http://armenpress.am/resized/480/static/news/b/2023/08/1118310.jpg)
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանը հեռախոսազրույց է ունեցել Ֆրանսիայի նախագահ Էմանուել Մակրոնի հետ:
Ինչպես «Արմենպրես»-ը տեղեկանում է ՀՀ կառավարության տարածած հաղորդագրությունից, զրուցակիցներն անդրադարձել են տարածաշրջանում առկա իրադրությանը:
Նիկոլ Փաշինյանն ընդգծել է Ադրբեջանի կողմից Լաչինի միջանցքի ապօրինի արգելափակման հետևանքով Լեռնային Ղարաբաղում հումանիտար ճգնաժամի օրեցօր խորացումը, ինչպես նաև շեշտել դրա հաղթահարմանն ու լուծմանն ուղղված քայլերի անհրաժեշտությունը:
Զրուցակիցներն ընդգծել են տարածաշրջանում կայունության ու խաղաղության ապահովման ուղղությամբ հետևողական ջանքերի կարևորությունը: