368.54
Բելառուսում հայտնել են, որ միջոցներ են ձեռնարկում «Լեհաստանի և բալթյան երկրների ռազմականացման ֆոնին»
2 րոպեի ընթերցում
ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: Բելառուսը համապատասխան քայլեր է ձեռնարկում՝ հաշվի առնելով Լեհաստանի և բալթյան պետությունների ռազմականացման միջոցառումները։ «Արմենպրես»-ի փոխանցմամբ՝ այս մասին հայտարարել է երկրի Անվտանգության խորհրդի պետքարտուղար Ալեքսանդր Վոլֆովիչը։
«ՆԱՏՕ-ի դաշինքի և դրա առանձին անդամների գործունեության վերաբերյալ մեր բոլոր կանխատեսումները լիովին հաստատվել են: Իհարկե, մենք ձեռքներս ծալած չենք նստում, այլ ձեռնարկում ենք հակազդման համապատասխան միջոցներ»,- Վոլֆովիչի խոսքն է մեջբերում БелТА գործակալությունը։
Նա ընդգծել է, որ մինչ Բելառուսը «մարտ է մղում» բերքը հավաքելու համար, արևմտյան հարևաններն այլ մարտերի են ձգտում։
«Դուք ինքներդ եք տեսնում, թե ինչ եռանդով են մեր հարևանները ձգտում իրականացնել Վիլնյուսում ՆԱՏՕ-ի վերջին գագաթնաժողովի որոշումներում ամրագրված դրույթները, - ասել է ԱԽ պետքարտուղարը։ - Ընդ որում, դա անում են նույնիսկ առաջ անցնելով գրաֆիկներից»։
Նրա խոսքով՝ արևելքից եկող մտացածին սպառնալիքի պատրվակներով «ուժեղացվում են Լեհաստանի և բալթյան երկրների ռազմականացման միջոցառումները»:
«Վարշավան պատրաստակամություն է հայտնել իր տարածքում ընդունելու ամերիկյան մարտավարական միջուկային մարտագլխիկներ: Գնվում են արդի զինատեսակներ», - ասել է Վոլֆովիչը:
Բաժանորդագրվեք մեր ալիքին Telegram-ում