Երևանում և Ստեփանակերտում հանրահավաքներն ավարտվել են երթով դեպի Եռաբլուր ու Հուշահամալիր-Զինվորական պանթեոն
1 րոպեի ընթերցում
ՍՏԵՓԱՆԱԿԵՐՏ, 25 ՀՈՒԼԻՍԻ, ԱՐՄԵՆՊՐԵՍ։ Երևանում և Ստեփանակերտում զուգահեռ տեղի ունեցած հանրահավաքներն ավարտվել են երթով համապատասխանաբար՝ դեպի Եռաբլուր ու Հուշահամալիր-Զինվորական պանթեոն:
«Արմենպրես»-ի թղթակցի հաղորդմամբ՝ ինչպես հայտարարեցին հանրահավաքի համակարգողները, երթի նպատակը հայրենիքի ազատության ու պաշտպանության համար հերոսացած զինվորների հիշատակի առջև խոնարհվելով՝ հավատարմությունը հայտնելն է այն գաղափարին, որի համար նրանք զոհել են իրենց կյանքը՝ երդվելով, որ շարունակելու են նրանց գործը: