Ոռոգման հետ կապված խնդիրների լուծում պահանջող գյուղացիները բացել են Գյումրի-Երևան մայրուղին
1 րոպեի ընթերցում
ԳՅՈՒՄՐԻ,29 ՀՈՒՆԻՍԻ, ԱՐՄԵՆՊՐԵՍ: Շիրակի մարզետ Հովհաննես Հարությունյանի ու Շիրակ ՋՕ պատասխանատուների հետ հանդիպումից հետո Բենիամինի, Ազատանի, Արևիկի, Գետքի, Բայանդուրի բնակիչները բացեցին Երևան-Գյումրի մայրուղու Ազատան-Բենիամին հատվածը:
Այս մասին հայտնում է «Արմենպրես»-ի թղթակիցը:
Նրանք փակել էին ճանապարհը՝ պահանջելով համայնքներն ապահովել ոռոգման ջրով։ Խնդիրը կապված է Կառնուտի ջրամբարի սակավաջրության հետ. նախորդ տարիների համեմատ այս տարի ջրամբարում կրկնակի պակաս ջուր էր կուտակվել:
Արմենուհի Մխոյան