Մենք վստահություն ենք տածում Հայաստանի ժողովրդավարության հանդեպ. Ֆրանսիայի Սենատի նախագահ
2 րոպեի ընթերցում
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Ֆրանսիան Հայաստանին ժողովրդավարության հանդեպ վստահություն է տածում:
«Արմենպրես»-ի հաղորդմամբ՝ այս մասին ասաց Ֆրանսիայի Հանրապետության Սենատի նախագահ Ժերար Լարշեն ՀՀ ազգային ժողովում Արարատ Միրզոյանի հետ համատեղ հայտարարությանը:
«Մենք վստահություն ենք տածում Հայաստանի ժողովրդավարության հանդեպ, որը Ձեզ առանձնահատուկ տեղ է հատկացնում այս տարածաշրջանում: Ժողովրդավարություն, որը մեծ փորձությունների ենթարկվեց, ոտնահարվեց, բայց այնուամենայնիվ, դուք շարունակում եք կանգնած մնալ»,- ասաց Ֆրանսիայի Սենատի նախագահը:
Սենատի նախագահը շեշտեց՝ վստահ են նաև հայ ժողովրդի անկախության ոգու նկատմամբ: «Ազատատենչություն, որն արտահայտվել է նաև հայկական ծագում ունեցող ֆրանսիացների կողմից, որոնք մեր կողքին էին այն պահին, երբ Ֆրանսիան կարիք ուներ ոտքի կանգնելու և ազատությունը վերագտնելու»,- նշեց նա:
Ֆրանսիական պատվիրակությունը Սենատի նախագահի գլխավորությամբ ԱԺ-ում էր: Նրանք հանդիպում են ունեցել ԱԺ նախագահի, պատգամավորների հետ: Դրանից հետո ՀՀ ազգային ժողովի նախագահ Արարատ Միրզոյանն ու Ֆրանսայի Սենատի նախագահ Ժերար Լարշեն հանդես եկան համատեղ հայտարարությամբ՝ խոսելով Հայոց ցեղասպանության 106-րդ տարելիցի, Արցախի պատերազմից հետո ռազմագերիների անհպաղ վերադարձի և այլ հարցերի մասին: