Ռուբեն Վարդազարյանը դատական համակարգը կայուն է համարում
1 րոպեի ընթերցում
![Ռուբեն Վարդազարյանը դատական համակարգը կայուն է համարում](http://armenpress.am/resized/480/static/news/b/2020/12/1039298.jpg)
ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: Բարձրագույն դատական խորհրդի նախագահը դատական համակարգը կայուն է համարում:
«Արմենպրես»-ի հաղորդմամբ` այս մասին Վարդազարյանն ասաց իր տարեվերջյան մամուլի ասուլիսի ժամանակ:
«Ինչքան էլ հեռվից թվա, որ դատական համակարգն անկայուն է, միևնույն է, ես պնդում եմ, որ համակարգը բավականին կայուն վիճակում է: Դատավորների համայնքն այնքան վատը չէ, որքան ներկայացվում է: Ես կոչ եմ անում իրավաբաններին` համալրել դատավորների թեկնածուների ցուցակները: Այն անձինք, որոնք ցանկանում են դատավոր դառնալ, կարող են հանձնել օրենքով սահմանված քննության գրավոր փուլը, ապա բանավորը, ինչից հետո կընդունենք մեր շարքերում»,- նշեց Վարդազարյանը: