Ֆրանսիայում երկրորդ հարձակումն է տեղի ունեցել, այս անգամ Ավինյոնում 

ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիայի Ավինյոն քաղաքում տղամարդը փորձել է դանակահարել ոստիկաններին: «Արմենպրես»-ի փոխանցմամբ՝ այս մասին հաղորդում են ֆրանսիական լրատվամիջոցները: Նախնական տվյալներով՝ հարձակում գործած անձը սպանված է: Այլ մանրամասներ հայտնի չեն:

Ավելի վաղ Նիցցա քաղաքում անհայտ անձը հարձակվել էր Նոտր Դամ բազիլիկ եկեղեցու վրա, սպանել երեք հոգու, որոնցից մեկը գլխատվել է: Հանցագործություն կատարած անձը ձերբակալված է: Նիցցայի քաղաքապետն այն որակել է որպես ահաբեկչություն: