1 րոպեի ընթերցում
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի արտաքին գործերի նախարար Ջեյհուն Բայրամովն աշխատանքային այցով մեկնել է Մոսկվա՝ ռուսական կողմի հետ խորհրդատվությունների նպատակով: Այս մասին հաղորդել է Ադրբեջանի ԱԳՆ լրատվական ծառայությունը:
Աշխատանքային այցով Մոսկվայում է նաև ՀՀ արտաքին գործերի նախարար Զոհրաբ Մնացականյանը: Ծրագրված է նրա հանդիպումը ՌԴ ԱԳ նախարար Սերգեյ Լավրովի հետ. օրակարգում ԼՂ հակամարտության գոտում իրավիճակն է և կրակի դադարեցման վերաբերյալ պայմանավորվածությունների կյանքի կոչման հարցը։