«Լոռի»-ն նոր հարձակվող ունի

ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Վանաձորի «Լոռի» ֆուտբոլային ակումբը նոր համալրում ունի կազմում:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Կարապետ Մանուկյանը համալրել է «Լոռին»։ 28-ամյա հարձակվողի վերջին ակումբը Երեւանի «Լոկոմոտիվն» էր, որտեղ անցկացրել է 43 խաղ, դարձել 27 գոլի եւ 7 գոլային փոխանցման հեղինակ։Մանուկյանը «Փյունիկի» սան է, հանդես է եկել նաեւ Երեւանի «Ալաշկերտում»։ Հայաստանի առաջին խմբի առաջնությունում Մանուկյանն ընդհանուր առմամբ դարձել է 70 գոլի հեղինակ։

Մանուկյանի հետ կնքվել է 1+1 ֆորմատով պայմանագիր։

Պատրաստեց Վարվառա Հայրապետյանը