1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Ղազախստանի ֆուտբոլի առաջնությունը հերթական անգամ հետաձգվել է:
«Արմենպրես»-ի հաղորդմամբ` այս մասին հայտնում է ղազախական պրոֆեսիոնալ լիգան: Հետաձգման պատճառը կորոնավիրուսի պանդեմիան է և Ղազախստանում հայտարարված կարանտինը: Հնարավոր է, որ առաջնությունը վերսկսվի միայն իրավիճակի կարգավորվելուց հետո:
Ավելի վաղ լուրեր կային, որ Ղազախստանի ֆուտբոլի ընդհատված առաջնությունը կվերսկսվի օգոստոսի 3-ին: Առաջնության բոլոր խաղերը կանցկացվեն երկու քաղաքների մարզադաշտերում, որի դեպքում ֆեդերացիան կխնայի թե միջոցները, թե ժամանակը: Այժմ առաջնության մրցաշարային աղյուսակի առաջատարը «Կայրաթ»-ն է, որին հաջորդում է «Աստանա»-ն:
Պատրաստեց Վարվառա Հայրապետյանը