1 րոպեի ընթերցում
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Ռուսաստանի ֆուտբոլի առաջնության 2020/21 մրցաշրջանը կմեկնարկի օգոստոսին:
«Արմենպրես»-ի հաղորդմամբ` ռուսական Պրեմիեր լիգայի առաջին տուրի հանդիպումները կկայանան օգոստոսի 7-8-ին: Մրցաշրջանի ամբողջական խաղացանկը կհաստատվի հուլիսի 24-ին կայանալիք Պրեմիեր լիգայի ակումբների ղեկավարների հանդիպումից հետո:
Ռուսաստանի ֆուտբոլի առաջնության ավարտված մրցաշրջանի չեմպիոնը Սանկտ Պետերբուրգի «Զենիթն» է: Ռուսական Պրեմիեր լիգայի 26-րդ տուրում «Զենիթը», մրցելով «Կրասնոդարի» հետ և առավելության հասնելով 4:2 հաշվով, ժամանակից շուտ հռչակվել է Ռուսաստանի 2019/20 մրցաշրջանի չեմպիոն:
Պատրաստեց Վարվառա Հայրապետյանը