Կիբեռհանցագործները թիրախավորում են ֆինանսական խնդիրները լուծելու համար հեշտ միջոցի դիմող անձանց

3 րոպեի ընթերցում

ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Համացանցում շատ ժամանակ անցկացնելու պարագայում մեծանում է կիբեռհանցագործության զոհ դառնալու հավանակությունը: Կիբեռհանցագործները կենտրոնացնում են իրենց ողջ ուժերը, որպեսզի թիրախավորեն անձանց որոշակի օգուտ ստանալու համար:

«Արմենպրես»-ի մամուլի սրահում հրավիրված ասուլիսում ՀՀ քննչական կոմիտեի հատկապես կարևոր գործերիքննության գլխավոր վարչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչության ՀԿԳ ավագ քննիչ Սասուն Գրիգորյանը նշեց, որ կիբեռհանցագործների կողմից թիրախավորվում են մարդիկ, որոնք ունենք ֆինանսական, սոցիալական խնդիրներ և գումար ստանալու համար փորձում են դիմել որևէ հեշտ միջոցի:

«Մոլորության մեջ գցելով քաղաքացիներին, արժանանալով վերջիններիս վստահությանը` կիբեռհանցագործները խաբեությամբ կարողանում եննրանցից ստանալ անձնագրային, բանկային քարտերի տվյալները: Որոշ դեպքերում որևէ ծառայութան դիմաց, որով հետաքրքված է քաղաքացին, նախապես տրամադրած հաշվիհամարին պահանջում են գումարի փոխանցում, որից հետո կատարվում է հափշտակում: Հանդիպում են կիբեռհանցագորությունների այլ դեպքեր, երբ խաբեությամբ ստանում են մարդկանց անձնական տվյալները հետագայում դրանքօգտագործելու համար»,- ասաց Սասուն Գրիգորյանը:

Սասուն Գրիգորյանըքաղաքացիներին հորդորում է համացանցից օգտվելիս հետևել անվտանգության տարրական կաոններին: Պետք չէ վստահել այն անձանց,որոնց չեք ճանաչում: Վերջիններիս մի փոխանցեք ձեր անձնական տվյալները՝ կլինի տան հասցե, թե անձնագրային տվյալներ, առավել ևս տեղեկատվություն բանկային քարտերի հետ կապված: Պարբերաբար թարմացրեք սոցիալական ցանցերում ձեր էջի, ինչպես նաև էլեկտրոնային հասցեների գաղտանաբառերը:

«Անհրաժեշտ է ջնջել սոցիալական ցանցերում եղած այն բոլոր հաշիվները, որոնք նախկինում բացել եք, այլևս չեք օգտագործում, հատկապես եթե այնտեղ ունեք արժեքավոր տեղեկատվություն: Թարմացումներ չկատարելու հետ կապված՝ դրանք ավելի խոցելի են»,- նշեց նա:

Մասնագետն ընդգծեց, որ, ուսումնասիրությունների համաձայն, համակարգչային խարդախություններ անող անձինք ունեն ինտելեկտուալ, հոգեբանական որոշակի ունակություններ, հմտություններ, որպեսզի պոտենցյալ տուժողներին համոզեն կատարել իրենց ցանկացած պահանջները: Ժամանակի ընթացքում,տեխնոլոգիաների զարգացմանը զուգահեռ, համակարգչային խարդախությունների բնույթը փոխվում է: Վերջին շրջանում հաճախ հանդիպող դեպքերից ենվատ վարկային պատմությունները վերացնելու առաջարկները:

Հայերեն

Կառավարությունը նախատեսում է ևս երեք տարով երկարաձգել կենսաթոշակառուների հետվճարի ծրագրի ժամկետը

Հութիները հայտնել են Սաուդյան Արաբիայի ենթակառուցվածքներին հարվածելու մասին

Հյուսիս-հարավի Քաջարան-Ագարակ ճանապարհին թունելների հորատման աշխատանքներն ավարտվել են

Թրամփը Տակաիչիին հայտնել է Պուտինի և Սի Ծինփինի հետ եռակողմ բանակցությունների մասին

Թբիլիսիում գազի պայթյունից հետո փլատակներից դուրս է բերվել վեցերորդ զոհի մարմինը

Հայկ Մարտիրոսյանը «Total Chess»-ի հերթական խաղում հաղթել է հնդիկ գրոսմայստեր Արջուն Էրիգաիսին

Երեք գերտերությունների մոտ համատեղ գործելու ձգտում կա, սակայն դժվարություններն էլ շատ են․ Գարիկ Քեռյան

Ուիթքոֆն արդյունավետ է որակել Բեռլինում եվրոպացիների հետ բանակցություններն Ուկրաինայի հարցով

Ազգային ժողովի նիստ. ՈՒՂԻՂ

Երևանի քաղաքապետարանը սկսում է համագործակցություն SatisfAI-ի հետ. քաղաքային ծառայություններում կներդրվի արհեստական բանականություն