1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Բանաստեղծ, թարգմանիչ Գագիկ Դավթյանը գրական թարգմանության ոլորտում ակնառու նվաճումների համար արժանացել է Լեհ գրողների միության Ալֆրեդ Կովալկովսկու անվան մեդալի:
«Հարգելի Գագիկ Դավթյան, ուրախ եմ հաղորդելու, որ դուք արժանացել եք Ալֆրեդ Կովալկովսկու անվան մեդալի՝ գրական թարգմանության ոլորտում ակնառու նվաճումների համար: Շնորհավորում ենք…»,-«Արմենպրես»-ի հաղորդմամբ` գրել է մեդալի շնորհման կազմկոմիտեի նախագահ Դարիուշ Տոմաշ Լեբյոդան:
Մեդալը, որի դարձերեսին Կաֆկայի ձեռագրից մի դրվագ է, թողարկվել է Լեհ գրողների միության Բիդգոշչ-Տորունյան մասնաճյուղի հիմնադրման 100-ամյակի կապակցությամբ: Այն կրում է մասնաճյուղի երկարամյա նախագահ, Ֆրանց Կաֆկայի ստեղծագործությունների անզուգական թարգմանիչ Ալֆրեդ Կովալկովսկու անունը: