ՀՀ-ի և ԵՄ-ի միջև ընդհանուր ավիացիոն գոտու մասին համաձայնագիր կստորագրվի
1 րոպեի ընթերցում
![ՀՀ-ի և ԵՄ-ի միջև ընդհանուր ավիացիոն գոտու մասին համաձայնագիր կստորագրվի](http://armenpress.am/resized/480/static/news/b/2020/02/1004796.jpg)
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետության և Եվրոպական Միության միջև ընդհանուր ավիացիոն գոտու մասին համաձայնագիրը կստորագրվի առաջիկայում:
«Արմենպրես»-ի փոխանցմամբ՝ այս մասին ՀՀ Ազգային ժողովում ասաց Քաղաքացիական ավիացիայի կոմիտեի նախագահ Տաթեւիկ Ռևազյանը:
«Հայաստանի Հանրապետությունն այսօր ավիացիոն ոլորտում ունի 49 միջկառավարական պայմանագրեր: Առաջիկայում նախատեսվում է ստորագրել Հայաստանի Հանրապետության և Եվրոպական Միության միջև ընդհանուր ավիացիոն գոտու մասին համաձայնագիրը»,- ասաց Ռևազյանը: