1000х90.jpg (78 KB)

Երևանում՝ 11:07,   28 Մարտ 2024

Հայաստան զբոսաշրջային այցելությունների աննախադեպ բարձր թիվ է արձանագրվել. Զարմինե Զեյթունցյան

Հայաստան զբոսաշրջային այցելությունների աննախադեպ բարձր թիվ է արձանագրվել. 
Զարմինե Զեյթունցյան

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Զբոսաշրջային այցելությունները 18.2 տոկոսով աճ են գրանցել Հայաստանում 2017-ի առաջին եռամսյակում: Զբոսաշրջիկների թվով Հայաստանում առաջատար են Ռուսաստանը, Վրաստանը և Իրանը: «Արմենպրես»-ի հաղորդմամբ՝ հուլիսի 19-ին կայացած ասուլիսում այս մասին ասաց Զբոսաշրջության պետական կոմիտեի նախագահ Զարմինե Զեյթունցյանը:

«2017-ի առաջին 3 ամիսների Հայաստան է այցելել 298 հազար 533 զբոսաշրջիկ: Սա, իհարկե աննախադեպ բարձր թիվ է մեզ համար: Զբոսաշրջիկների թվով Հայաստանում առաջատար են Ռուսաստանը, Վրաստանը և Իրանը: Աճ է գրանցվել նաև  Թուրքմենստանից՝ 132 տոկոս, Ուզբեկստանից՝ մոտ 200 տոկոս, ինչպես նաև Իրաքից, Կանադայից և Իսպանիայից»,-ասաց Զարմինե Զեյթունցյանն ու հավելեց, որ իրենց առջև նպատակ ունեն կրկնապատկել զբոսաշրջիկների  թիվը:

Նրա խոսքով՝ այս տարվա հունիսի տվյալները ևս 27,7 տոկոս աճել են նախորդ տարվա նույն ժամանակահատվածի համեմատ: «Հոկտեմբերին դեռ նշագծվել են այն հիմնական թիրախային շուկաները, որոնց հետ աշխատում ենք՝ ներքին շուկան, Ռուսաստանը, Իրանը, Արևմտյան Եվրոպայի այն երկրները, որոնց հետ Հայաստանն ունի ուղիղ չվերթներ, Գերմանիան, Պարսից ծոցի երկրներ»,-ասաց Զեյթունցյանն ու հավելեց, որ  այս տարի ուսումնասիրում են նաև այլ շուկաներ, ինչպիսիք են Չինաստանը, Ճապոնիան: Օգտվում են նաև առիթներից այլ երկրներում զբոսաշրջային արդյունքը ներկայացնելու:

Համաձայն սահմանային անցման կետերից ստացված տվյալների՝ Հայաստան այցելությունների ընդհանուր թիվը 2017-ի առաջին 6 ամիսներին եղել է 1 միլիոն 350 հազար 791: Այս ցուցանիշը 24,3 տոկոսով աճել է 2016 թվականի նույն ժամանակահատվածի համեմատ:


Բաժանորդագրվեք մեր ալիքին Telegram-ում


Այս թեմայով





youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]