1 წუთი კითხვის
სომხეთის იუსტიციის მინისტრი სრბუჰი გალიანი, 7-11 აპრილს სამუშაო ვიზიტით ვაშინგტონს ეწვევა, სადაც მონაწილეობას მიიღებს საერთაშორისო კონფერენციაში „პარტნიორობა კორუფციასთან ბრძოლისთვის“.
როგორც „არმენპრესი“ იუწყება, ვიზიტამდე რამდენიმე დღით ადრე მინისტრმა მიიღო აშშ-ის საგანგებო და სრულუფლებიანი ელჩი სომხეთში, კრისტინა კვინი, და განიხილა ვიზიტის დღის წესრიგი.
შეხვედრაზე ასევე განხილულ იქნა სომხეთსა და აშშ-ს შორის სისხლის სამართლის საქმეებზე სამართლებრივი დახმარების შესახებ შეთანხმების შემუშავების პროცესი, ასევე შეხვედრა, რომელიც დაგეგმილია აშშ-ის ნარკოტიკებთან ბრძოლის და სამართალდამცავი თანამშრომლობის ეროვნული ბიუროს ხელმძღვანელობასთან.
იუსტიციის მინისტრმა და აშშ-ის ელჩმა ასევე განიხილეს ორმხრივი თანამშრომლობის დღის წესრიგთან დაკავშირებული საკითხები.