360.88
სომხეთმა და გერმანიამ COP17-ის ფარგლებში გარემოსდაცვითი თანამშრომლობის დეკლარაციას მოაწერეს ხელი
1 წუთი კითხვის
COP17-ის თავმჯდომარემ, სომხეთის გარემოს დაცვის მინისტრმა ჰამბარძუმ მათევოსიანმა და გერმანიის გარემოს დაცვის, კლიმატის საკითხებზე ქმედების, ბუნების კონსერვაციისა და ბირთვული უსაფრთხოების ფედერალურმა მინისტრმა კარსტენ შნაიდერმა ხელი მოაწერეს ერთობლივ განზრახულებათა დეკლარაციას გარემოსა და კლიმატის დაცვის სფეროებში თანამშრომლობის შესახებ.
„არმენპრესის“ ცნობით, ამის შესახებ ინფორმაციას COP17 Armenia-ს „ფეისბუქის“ გვერდი ავრცელებს.
დოკუმენტი მოიცავს ბიომრავალფეროვნების დაცვასა და აღდგენას, განსაკუთრებით დაცული ბუნებრივი ტერიტორიების მართვას, კლიმატის ცვლილების შერბილებასა და ადაპტაციას, ცირკულარული ეკონომიკის განვითარებასა და ნარჩენების მართვას.
განსაკუთრებული ყურადღება დაეთმო წყლის რესურსების ეფექტიან მართვასა და სევანის ტბის დაცვას.
დეკლარაცია ახალ შესაძლებლობებს ქმნის ერთობლივი პროექტების განხორციელების, გამოცდილების გაზიარებისა და პროფესიული შესაძლებლობების განვითარებისთვის.