სომხეთმა და აშშ-მა ეკონომიკური თანამშრომლობის გაღრმავების შესაძლებლობები განიხილეს

აშშ-ის საერთაშორისო განვითარების საფინანსო კორპორაციის (DFC) პოლიტიკის საკითხებში მთავარი პასუხისმგებელი პირი ქეროლაინ ვიკი სომხეთს ეწვია სომხურ-ამერიკული ეკონომიკური თანამშრომლობის გაღრმავების შესაძლებლობების განსახილველად.

„არმენპრესის“ ცნობით, ამის შესახებ ინფორმაციას სომხეთში აშშ-ის საელჩო ავრცელებს.

სომხეთის რესპუბლიკის მთავრობის ოფიციალურ პირებთან და ბიზნესსაზოგადოების წარმომადგენლებთან შეხვედრების მსვლელობისას სავაჭრო კავშირების განმტკიცების, ინვესტიციების გაფართოებისა და ამერიკული და სომხური კომპანიებისთვის ახალი შესაძლებლობების შექმნის საკითხები განიხილეს.