ԱՄՆ-ը ոչ մեծ զորակազմ կթողնի Սիրիայի հարավում ԻՊ-ի դեմ պայքարելու համար. Թրամփ

ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Չնայած Սիրիայի հյուսիս-արեւելքից ամերիկյան զորքերի դուրսբերմանը, Վաշինգտոնը ոչ մեծ կայազոր կթողնի երկրի հարավի Էթ-Թանֆայի շրջանում՝ պայքարելու ԻՊ ահաբեկչական խմբավորման զինյալների դեմ: Այդ մասին, ինչպես տեղեկացնում Է «Արմենպրես»-ը, ասված Է ԱՄՆ-ի նախագահ Դոնալդ Թրամփի հայտարարության մեջ, որը հրապարակվել Է Twitter-ի նրա Էջում:

«ԱՄՆ-ի ուժերի ոչ մեծ ներկայություն կպահպանվի Սիրիայի հարավի Էթ-Թանֆայի ռազմակայանում, որպեսզի շարունակվի ԻՊ-ի մնացորդների ակտիվության կասեցումը»,-ասված Է հայտարարության մեջ:

Ինչպես անցած շաբաթվա վերջին հայտարարել Է Պենտագոնի ղեկավար Մարկ Էսփերը, ԱՄՆ-ի նախագահը կարգադրել Է ամերիկյան բոլոր զինվորականներին դուրս բերել Սիրիայի հյուսիսից, որպեսզի թույլ չտրվի նրանց ներքաշվելը թուրքական բանակի եւ քրդական ջոկատների միջեւ մարտական գործողություններում, հաղորդել Է «Ինտերֆաքս»-ը: