368.52
Ռուստամ Բադասյանը հնարավոր է համարում ՍԴ-ում առաջացած ճգնաժամի լուծումը
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ սահմանադրական դատարանում առաջացած ճգնաժամը հնարավոր կլինի լուծել առաջիկայում ձևավորվող մասնագիտական խմբի միջոցով:
«Արմենպրես»-ի հաղորդմամբ, Բադասյանն այս մասին ասաց լրագրողների հետ ճեպազրույցում` անդրադառնալով դատաիրավական բարեփոխումների ռազմավարությանը:
«2020 թվականի փետրվարին ձևավորվելու է մասնագիտական խումբ, որը զբաղվելու է Սահմանադրական փոփոխությունների նախագծմամբ: Այդ կառույցը լինելու է ապաքաղաքական և ձևավորվելու է բացառապես մասնագիտական հիմքով: Կարծում եմ, հնարավոր է նաև լուծել ՍԴ-ում առաջացած ճգնաժամի հարցը, եթե ձևավորված խումբն անհրաժեշտ համարի և առաջարկի համապատասխան լուծումներ»,- նշեց Բադասյանը:
Անդրադառնալով Վճռաբեկ և Սահմանադրական դատարանների միավորմանը, ինչի արդյունքում կստեղծվի գերագույն դատարան, Արդարադատության նախարարն ասաց, որ այդ հարցը պետք է գնահատի մասնագիտական խումբը: «Մենք թողնելու ենք, որպեսզի մասնագիտական հանրույթը որոշի, արդյոք կա դրա անհրաժեշտությունը, թե ոչ»,- ընդգծեց Բադասյանը:
Բաժանորդագրվեք մեր ալիքին Telegram-ում