Հիփոթեքի տոկոսը մարելու նպատակով պետությունը վարկառուներին վերադարձրել է 67 մլրդ դրամի եկամտահարկի գումար

ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Պետությունը 2024 թ․ հիփոթեքային վարկի սպասարկման համար վճարվող տոկոսների մասով վարկառուներին և համավարկառուներին վերադարձրել է 67 մլրդ դրամ եկամտային հարկի գումար:

«Արմենպրես»-ի փոխանցմամբ՝ այս մասին ասաց Պետական եկամուտների կոմիտեի նախագահ Ռուստամ Բադասյանն ԱԺ հանձնաժողովների համատեղ նիստում 2025 թ․ պետական բյուջեի մասին օրենքի նախագծի նախնական քննարկումների ժամանակ:

«Վարկառուներին և համավարկառուներին վերադարձվածի մասով թիվն այս պահին 67 մլրդ դրամ է»,–ասաց Բադասյանը: