397.35
Անկարայում տեղի է ունենալու Էրդողան-Պուտին-Ռոհանի հանդիպումը
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի մայրաքաղաք Անկարայում երկուշաբթի օրը տեղի է ունենալու Թուրքիայի նախագահ Ռեջեփ Թայիփ Էրդողանի, Ռուսաստանի նախագահ Վլադիմիր Պուտինի և Իրանի նախագահ Հասան Ռոհանիի եռակողմ հանդիպումը:
Այս մասին, ինչպես հաղորդում է «Արմենպրես»-ը, հայտնում է թուրքական «Միլլիեթ» լրատվամիջոցը:
Հանդիպման ընթացքում կողմերը քննարկելու են Սիրիայի Իդլիբ նահանգում տեղի ունեցող զարգացումները, որտեղ սիրիական բանակը ռազմական գործողություններ էր իրականացրել: Բացի այդ՝ քննարկվելու է նաև Եփրատի արևելյան շրջաններում տիրող իրավիճակը:
Օգոստոսի վերջին սիրիական բանակը հարձակումներ է գործել Իդլիբի ուղղությամբ, ինչի հետևանքով տուժել է խաղաղ բնակչությունը:
Բաժանորդագրվեք մեր ալիքին Telegram-ում