367.38
Ջորջիայում արտակարգ դրության ռեժիմ Է հայտարարվել «Դորիան» փոթորկի մոտենալու պատճառով
1 րոպեի ընթերցում
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի Ջորջիայի նահանգի նահանգապետ Բրայան Քեմպը արտակարգ դրության ռեժիմ Է հայտարարել 12 օկրուգում «Դորիան» փոթորկի մոտենալու պատճառով, տեղեկացնում Է «Արմենպրես»-ը:
«Դորիան» փոթորկի մոտենալու կապակցությամբ ես արտակարգ դրության ռեժիմ եմ հայտարարում, որպեսզի օգնենք նախապատրաստման, հակազդման եւ վերականգնման աշխատանքներին»,- ասված Է նահանգապետի հայտարարության մեջ:
Ավելի վաղ Ֆլորիդայի նահանգապետ Ռոն դե Սանտիսը նույնպես արտակարգ դրության ռեժիմ Է հայտարարել «Դորիան» փոթորկի մոտենալու պատճառով: Փոթորիկների դիտարկման կենտրոնի տվյալներով՝ «Դորիանն» ընդհուպ մոտեցել Է ամերիկյան Վիրջինյան կղզիների կազմի մեջ մտնող Սենտ Թոմաս կղզուն:
Փոթորկի ներսում քամու պոռթկումները հասնում են ժամում 120 կիլոմետրի, հաղորդել Է ՌԻԱ Նովոստի գործակալությունը:
Բաժանորդագրվեք մեր ալիքին Telegram-ում