1 րոպեի ընթերցում
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ։ Լրագրող Իվան Գոլունովի նկատմամբ քրեական գործը դադարեցվել է։ Ինչպես հաղորդում է «Արմենպրես»-ը, այս մասին հայտնում է «Ինտերֆաքսը»՝ հղում անելով ՌԴ ՆԳՆ ղեկավար Վլադիմիր Կոլոկոլցևին։
Նրա խոսքով՝ Գոլունովը կազատվի տնային կալանքից երեքշաբթի՝ հունիսի 11-ին։ Քրեական գործը դադարեցվել է նրա մեղքի անապացուցելիության պատճառով։
Նա նաև հայտնել է, որ ներքին հետաքննության նյութերը ՆԳՆ ներքին անվտանգության բաժնի վարույթից փոխանցվել են Քննչական կոմիտեին։