1 րոպեի ընթերցում
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: ԱՄՆ-ն պատժամիջոցներ կկիրառի Թուրքիայի նկատմամբ, եթե Անկարան չհրաժարվի ռուսական С-400 համալիրը գնելու գործարքից: «Արմենպրես»-ի հաղորդմամբ, lenta.ru-ն տեղեկացնում է, որ այս մասին հայտարարել է դեմոկրատ սենատոր Բոբ Մենենդեսը:
Նա ավելացրել է, որ Վաշինգտոնը կարող է իր ռազմական բազաները Թուրքիայից տեղափոխել Հունաստան: Սենատորը բացառել է նաև Թուրքիային 5-րդ սերնդի F-35 ինքնաթիռների մատակարարումը:
«Դա կոնգրեսի երկու կուսակցությունների դիրքորոշումն է»,-ասել է Մենենդեսը:
Ապրիլի 10-ին Թուրքիայի նախագահ Ռեջեփ Թայիբ Էրդողանը հայտարարել է, որ С-400 համալիրը գնելը որոշված հարց է, և երկիրը այն կստանա 2019 թվականի հուլիսին: