2 րոպեի ընթերցում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Փետրվարի 7-ին կյանքի 93-րդ տարում վախճանվել Է նախկին դեմոկրատ-կոնգրեսական Ջոն Դինգելը, որն ավելի վաղ երկարամյա ծառայության ռեկորդ Է սահմանել ամերիկացի օրենսդիրների շրջանում: Նա Միչիգանի նահանգը Կոնգրեսի ստորին պալատում ներկայացրել Է 59 տարի եւ 21 օր՝ 1955 թվականի դեկտեմբերից մինչեւ 2015 թվականի հունվարը, տեղեկացնում Է «Արմենպրես»-ը:
Ինչպես հայտնել Է նրա այրին՝ Դեբի Դինգելը, որը նույն այդ նահանգից Ներկայացուցիչների պալատի անդամ Է, Ջոն Դինգելը մահացել Է Դիրբոռնի՝ Դեթրոյթի արվարձանի իր տանը: 2013 թվականի ամռանը Ջոն Դինգելը գերազանցել Է կոնգրեսական Ռոբերտ Բերդի ձեռքբերումը, որը Կապիտոլիումի բլրին աշխատել Էր 57 տարի եւ 176 օր: Վերջին տարիներին, հանգստի գնալուց առաջ, նա չԷր կարողանում ինքնուրույն տեղաշարժվել եւ Կոնգրեսի միջանցքներով տեղափոխվում Էր Էլեկտրաշարժիչով աշխատող հաշմանդամի սայլակով:
Ներկայացուցիչների պալատում աշխատելու ընթացքում Դինգելը հռչակվել Էր իր համառությամբ եւ գործընկերներից ստացել Էր «Բեռնատար» մականունը, որը նաեւ հիշեցնում Էց, որ նա ընտրվել Էր Դեթրոյթի՝ ԱՄՆ-ի «ավտոմոբիլային մայրաքաղաքի» արվարձաններից մեկից:
Կոնգրեսի՝ 2014 թվականի նոյեմբերին կայացած միջանկյալ ընտրությունների արդյունքներով՝ Դինգելի տեղն զբաղեցրել Է նրա կինը՝ Դեբին, որի 65-ամյակը լրացել Է անցյալ տարվա նոյեմբերին: Դինգելների ընտանիքը Կապիտոլիումի բլրին իր ներկայությունը պահպանում Է արդեն ավելի քան 80 տարի: Դինգելի հայրը 1933-ից մինչեւ 1955 թվականը նույնպես աշխատել Է Ներկայացուցիչների պալատում, հաղորդել Է ՏԱՍՍ-ը: