Սիրիացի քրիստոնյաները Հալեպում եւ Դամասկոսում նշել են Սուրբ Ծնունդը

ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Սիրիայի քրիստոնյաները կաթոլիկական տոմարով Սուրբ Ծնունդն առաջին անգամ Դամասկոսում նշել են կառնավալային երթով: Այդ մասին, ինչպես տեղեկացնում Է «Արմենպրես»-ը, լրագրողներին պատմել Է հանդիսության կազմակերպիչ Ռեյն ալ Մեյլան:

«Մենք Դամասկոսում կազմակերպեցինք մեծ կառնավալ եւ երթ, որն անցավ Բաբ Թումա քրիստոնեական թաղամասի դարպասների Աբբասականների պուրակի մոտով, որտեղ սուրբծննդյան մեծ եղեւնի կա: Դա Հին Դամասկոսի ուղերձն Է ամբողջ աշխարհին: Մենք առաջին անգամ նման կառնավալ կազմակերպեցինք, դա նաեւ Սուրբ Ծննդի առաջին հետպատերազմյան տոնակատարությունն Է ընդհանրապես»,- նշել Է Ալ Մեյլան:

Քրիստոնեական տոմարի գլխավոր օրվան նվիրված ժամերգություն Է տեղի ունեցել նաեւ երկրի խոշորագույն քաղաքում՝ Հալեպում, որտեղ հարյուրավոր քաղաքացիներ են տոնական պատարագին ներկա եղել Եղիա Մարգարեի եկեղեցում՝ քաղաքի գլխավոր քրիստոնեական տաճարներից մեկում, հաղորդել Է ՌԻԱ Նովոստին: