Ֆրանսիայի իրավապահներն արցունքաբեր գազ են կիրառել ցուցարարների դեմ. ձերբակալվել է 354 մարդ
1 րոպեի ընթերցում
![Ֆրանսիայի իրավապահներն արցունքաբեր գազ են կիրառել ցուցարարների դեմ. ձերբակալվել է 354 մարդ](http://armenpress.am/resized/480/static/news/b/2018/12/957417.jpg)
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիայի իրավապահ մարմինները Փարիզում արցունքաբեր գազ են կիրառել բենզինի գնի թանկացման դեմ պայքարող ցուցարարների դեմ: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
«Դեղին բաճկոնների» ակցիայի շրջանակում իրավապահները ձերբակալել են 354 մարդ:
France Info ռադիոկայանը հայտնել է, որ ընդհանուր առմամբ ցույցերին մասնակցում է ավելի քան 1500 մարդ:
Ֆրանսիայում բենզինի թանկացումների դեմ «դեղին բաճկոնների» բողոքի լայնամասշտաբ ակցիաներ էին սկսվել նոյեմբերի 17-ից: Բողոքի ակցիաներն ուղեկցվում են զանգվածային անկարգություններով, ոստիկանության ու ցուցարարների բախումներով:
Այս ակցիաների ընթացքում մահացել է 4 մարդ, հարյուրավորները վնասվածքներ են ստացել: