Հորդանանում հեղեղումները յոթ մարդու կյանք են խլել
1 րոպեի ընթերցում
![Հորդանանում հեղեղումները յոթ մարդու կյանք են խլել](http://armenpress.am/resized/480/static/news/b/2018/11/954042.jpg)
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Հորդանանում հորդառատ անձրևների հետևանքով առաջացած հեղեղումների հետևանքով մահացել է առնվազն 7 մարդ: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
«Կառավարության պաշտոնական ներկայացուցիչ Ջումանա Գեյմաթը հաղորդել է յոթ մահացածի մասին: Նա կոչ է արել ստորոտներում բնակվողներին սեփական անվտանգության համար լքել տները»,- հաղորդում է Հորդանանի վարչապետի մամուլի ծառայությունը:
Եղանակային վատ պայմանների պատճառով երկրի զբոսաշրջության նախարարությունը չեղյալ է համարել բոլոր զբոսաշրջային այցերը:
Երկրի հնագույն Պետրա քաղաքի բոլոր զբոսաշրջիկներն անվտանգության նկատառումներից ելնելով տարհանվել են: