1 րոպեի ընթերցում
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Իրանի եւ Սիրիայի պաշտպանության նախարարություններն ընդլայնված ռազմատեխնիկական համագործակցության պայմանագիր են ստորագրել: Այդ մասին, ինչպես տեղեկացնում Է «Արմենպրես»-ը, հայտնել Է IRNA գործակալությունը:
Նրա տվյալներով՝ փաստաթուղթն իրանական կողմից ստորագրել Է պաշտպանության նախարար Ամիր Խաթամին, իսկ սիրիական կողմից՝ պաշտպանական գերատեսչության ղեկավար Ալի Աբդալլա Այուբը:
«Այդ համաձայնագիրը լայն հնարավորություններ Է ստեղծում երկկողմ փոխգործակցության զարգացման համար»,- հայտարարել Է Խաթամին՝ ամփոփելով բանակցությունների արդյունքները: Այուբը նշել Է, որ «Սիրիայում ավարտվել Է ռազմական փուլը եւ սկսվում Է երկրի վերականգնման շրջանը»:«Ռազմատեխնիկական համաձայնագրի ստորագրումը վկայում Է Թեհրանի եւ Դամասկոսի միջեւ համագործակցության զարգացման մասին»,- հավելել Է նա:
Իրանի պաշտպանության նախարարը օգոստոսի 26-ին Սիրիա Է ժամանել երկօրյա այցով: Խաթամին բանակցություններ Է վարել Սիրիայի նախարարների, ինչպես նաեւ երկրի նախագահ Բաշար Ասադի հետ, հաղորդել Է ՏԱՍՍ-ը: