Իլհամ Ալիևը նույնպես մասնակցելու է Մոսկվայում ֆուտբոլի աշխարհի գավաթի խաղարկության բացմանը

2 րոպեի ընթերցում

ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Ադրբեջանական լրատվամիջոցների փոխանցմամբ՝ Ադրբեջանի նախագահ Իլհամ Ալիևը նույնպես մասնակցելու է հունիսի 14-ին կայանալիք ֆուտբոլի աշխարհի գավաթի խաղարկության բացմանը:

Ինչպես հաղորդում է «Արմենպրես»-ը, աշխարհի գավաթի խաղարկության բացման արարողությունը հունիսի 14-ին տեղի է ունենալու Մոսկվայի «Լուժնիկի» մարզադաշտում՝ Ռուսաստանի և Սաուդյան Արաբիայի ֆուտբոլային թիմերի հանդիպումից առաջ՝ հանդիսավոր միջոցառմամբ:

Արդեն հայտնի է, որ Մոսկվայում ֆուտբոլի աշխարհի գավաթի խաղարկության բացմանը մասնակցելու է նաև Հայաստանի Հանրապետության վարչապետ Նիկոլ Փաշինյանը: ՀՀ վարչապետի՝ Մոսկվա այցի մասին հայտարարել է ԱԳ նախարար Զոհրաբ Մնացականյանը՝ չհստակեցնելով, սակայն, այցի ծրագիրը: Ֆուտբոլի աշխարհի գավաթի խաղարկության բացումն առաջին միջոցառումն է, որին կմասնակցեն միաժամանակ և Հայաստանի նոր վարչապետը, և Ադրբեջանի նախագահը:

Ֆուտբոլի աշխարհի գավաթի առաջնությունը Ռուսաստանում անցկացվում է առաջին անգամ: Առաջնության խաղերը հունիսի 14-ից հուլիսի 15-ը տեղի են ունենալու Ռուսաստանի 11 քաղաքներում՝ Մոսկվայում, Սանկտ Պետերբուրգում, Սամարայում, Սարանսկում, Դոնի-Ռոստովում, Սոչիում, Կազանում, Կալինինգրադում, Նիժնի Նովգորոդում և Եկատերինբուրգում:

Հայերեն English

Ռուսաստանը Հայաստանին է հանձնել սպանության և սպանության փորձի համար հետախուզվող անձին

Փաշինյանն անհրաժեշտ է համարում Ադրբեջանի հետ ընդհանուր գետերի օգտագործման կանոնների քննարկումը

Հայաստանի և Իրանի սահմանին երկու կողմերում նոր մաքսակետերի շինարարական աշխատանքները գրեթե ավարտական փուլում են. Խուդաթյան

Այս տարի 50 բժշկական կազմակերպություն 10.4 միլիարդ դրամով ավելի շատ հարկ է վճարել. Ավանեսյան

Ոչ մի բան չենք զիջել և չենք զիջելու․ Փաշինյանը՝ Հայաստան-Ադրբեջան կարգավորման գործընթացի մասին

Վարչապետը հերքել է նոր Սահմանադրության օրակարգն Ադրբեջանի պահանջով պայմանավորելու ընդդիմության պնդումը

Արամ Միրիջանյանը նշանակվել է ՀՀ աշխատանքի և բարեկեցության նախարարության Միասնական սոցիալական ծառայության պետ

Վարչապետը երկաթուղիների միացման անհրաժեշտությամբ է բացատրել Ադրբեջանի հետ ԹՐԻՓՓ-ի տեխնիկական համաձայնեցումները

Փարիզում ոստիկանները պահանջել են աշխատավարձերի բարձրացում՝ երկրում շարունակվող ցույցերի ֆոնին

Հայաստանը թակարդից հանել ենք. Փաշինյան