Ինովացիա

Ucom-ի և «Դասավանդի՛ր Հայաստան»-ի գործակցության շնորհիվ Բագարանի դպրոցում կգործի «Արմաթ» ինժեներական լաբորատորիան

5 րոպեի ընթերցում

Ucom-ի և «Դասավանդի՛ր Հայաստան»-ի գործակցության շնորհիվ Բագարանի դպրոցում կգործի «Արմաթ» ինժեներական լաբորատորիան

ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Արմավիրի մարզի Բագարան գյուղի միջնակարգ դպրոցում հունիսի 8-ին Ucom ընկերության հովանավորությամբ բացվեց արդեն 40-րդ «Արմաթ» ինժեներական խմբակ-լաբորատորիան։ Բագարանի լաբորատորիայում ծրագրավորման և ինժեներական դասընթացները կվարի «Դասավանդի՛ր Հայաստան»-ի մասնակից, մաթեմատիկայի և ինֆորմատիկայի ուսուցիչ Վանիկ Վարդանյանը, իսկ սեպտեմբերից Վանիկին կփոխարինի «Դասավանդի’ր, Հայաստան»-ի նոր մասնակիցը։ Այս մասին «Արմենպրես»-ին տեղեկացրին «Յուքոմ» ընկերության PR և հաղորդակցության ծրագրերի բաժնից:

Երկու ընկերություններն այսուհետ կհամագործակցեն «Տեխնոլոգիաները հանուն կրթության» կարգախոսի ներքո: Գործակցության նպատակն է նորարության եւ բարձր տեխնոլոգիաների կիրառումը Հայաստանի հեռավոր մարզերում, որտեղ աշխատում են «Դասավանդի’ր, Հայաստան»-ի մասնակիցները։

«Վերջին շրջանում արված ուսումնասիրությունների արդյունքում պարզ է դարձել, որ Ucom-ը հանդիսանում է Հայաստանում ամենանորարարական ու զարգացող հայկական ընկերությունը։ Այս գնահատականը խիստ պարտավորեցնող է, ահա թե ինչու մենք կարծում ենք, որ միայն կապի հասանելիության և հեռահար ուսուցման պայմաններ ապահովելով՝ հնարավոր չէ հասնել ցանկալի արդյունքի։ Դպրոցահասակ տարիքից ինժեներական մտքի զարգացմանը նպաստող լաբորատորիաների բացումն առաջին հերթին կրթության ոլորտում նորարարական մոտեցման ջատագովների ձեռքերում է։ Կրթության միջոցով նորարարության համար հիմք ստեղծելու ճանապարհին այսօր մեր աջակիցը «Դասավանդի՛ր Հայաստան»-ի մասնագետներն են», - նշեց Ucom ընկերության համահիմնադիր և գլխավոր տնօրեն Հայկ Եսայանը։

«Արագ փոփոխվող այս աշխարհում, որտեղ բարձր տեխնոլոգիաները կարեւոր դեր են խաղում եւ նպաստում են զարգացմանը, անարդար է, որ հեռավոր գյուղերում ապրող երեխաներն անմասն մնան այդ ամենից։ «Դասավանդի’ր, Հայաստան»-ի նպատակն է գերազանց կրթությունը հասանելի դարձնել Հայաստանի բոլոր երեխաների համար, եւ ես ուրախ եմ, որ Յուքոմ ընկերության շնորհիվ մենք կարող ենք կիրառել նաեւ նորարարություններ այդ կրթությունն էլ ավելի արդյունավետ եւ բազմակողմանի դարձնելու համար։ Այս լաբորատորիան միայն սկիզբն է մեր երկարաժամկետ համագործակցության, որի համար առաջին շահառուները մեր երեխաներն են», - նշեց «Դասավանդի՛ր Հայաստան» կրթական հիմնադրամի հիմնադիր և ղեկավար Լարիսա Հոհաննիսյանը։

Ինֆորմացիոն տեխնոլոգիաների ձեռնարկությունների միության (ԻՏՁՄ) գործադիր տնօրեն Կարեն Վարդանյանը նշեց․ «Համոզված եմ, որ մեր գործընկերների միավորումը «Արմաթ» ծրագրի շուրջ առանձնահատուկ արդյունք է գրանցելու: Ե՛վ Ucom ընկերությունը, և՛ «Դասավանդի՛ր Հայաստան» ծրագիրը իրենց դրական փորձն ու ներդրումն են կատարում կրթական այս համահայկական ծրագրում, և որքան ավելի շատ են ընկերությունները կոնսոլիդացվում տեխնոլոգիական կրթության շուրջ, այնքան ավելի մեծ հաջողություններ ենք գրանցում»: Կ. Վարդանյանը նաև հավելեց, որ «Դասավանդի՛ր Հայաստան» և «Արմաթ» կրթական ծրագրերի ու մի շարք ՏՏ ընկերությունների հետ առաջին և հաջողված համագործակցությունը սկսվել է դեռևս հունվար ամսին՝ Արցախի Նորշեն համայնքի «Արմաթ» ինժեներական լաբորատորայի հիմնադրմամբ:

Հավելենք, որ Ucom ընկերության և ԻՏՁՄ-ի կողմից հիմնադրվող «Արմաթ» ինժեներական լաբորատորիաների կրթական ծրագիրը նպատակ ունի խթանելու տեխնոլոգիական կրթությունը Հայաստանի համայնքների բոլոր դպրոցներում, նպաստելու աշակերտների մոտ ժամանակակից բարձր տեխնոլոգիաների նկատմամբ հետաքրքրության առաջացմանը, վաղ տարիքից ճարտարագիտական մտածելակերպի զարգացմանը և բանիմաց ուսանողների նախապատրաստմանը։

«Արմաթ» ինժեներական խմբակ-լաբորատորիաներում մշակված ծրագրային փաթեթները, ինչպես նաև սարքավորումների գծագրերը բաց են հանրության համար։ Խմբակ-լաբորատորիաների համար ծրագրային միջոցներ ձեռք բերելիս նախապատվություն է տրվում տեղական արտադրողին, ինչի վառ օրինակ են հանդիսանում Հայաստանում արտադրված բարձրակարգ եռաչափ (3D) տպիչները, մինի համակարգիչները, ռոբոտաշինության հավաքածուները և այլ սարքերը։

Շիրակի մարզի Հայկավան բնակավայրում անցկացվեց «Berry Festival 2024» հատապտուղների փառատոնը

Տնտեսություն

Շիրակի մարզի Հայկավան բնակավայրում անցկացվեց «Berry Festival 2024» հատապտուղների փառատոնը

ՀՀ տարածքում ավտոճանապարհներն անցանելի են, Լարսը բաց է բոլոր տեսակի տրանսպորտային միջոցների համար

Հայաստան

ՀՀ տարածքում ավտոճանապարհներն անցանելի են, Լարսը բաց է բոլոր տեսակի տրանսպորտային միջոցների համար

Տավուշի և Արմավիրի մարզային փրկարարական վարչությունները հուլիս ամսին իրականացրել են մի շարք միջոցառումներ

Հայաստան

Տավուշի և Արմավիրի մարզային փրկարարական վարչությունները հուլիս ամսին իրականացրել են մի շարք միջոցառումներ

Հայաստանում օդի ջերմաստիճանը կնվազի 2-5 աստիճանով

Հայաստան

Հայաստանում օդի ջերմաստիճանը կնվազի 2-5 աստիճանով

Փրկարարները Սևանա լճում օգնության են հասել ափից մոտ 200 մետր հեռացած քաղաքացուն

Հայաստան

Փրկարարները Սևանա լճում օգնության են հասել ափից մոտ 200 մետր հեռացած քաղաքացուն

ՀՀ-ում ԵՄ դիտորդական առաքելության ղեկավարը մասնակցել է հակամարտությունից տուժած խմբերի կարիքների լուծման մասին միջոցառմանը

Հայաստան

ՀՀ-ում ԵՄ դիտորդական առաքելության ղեկավարը մասնակցել է հակամարտությունից տուժած խմբերի կարիքների լուծման մասին միջոցառմանը

Երևանի Ղարիբջանյան փողոցը փակ է լինելու հուլիսի 28-ից օգոստոսի 20-ը

Հայաստան

Երևանի Ղարիբջանյան փողոցը փակ է լինելու հուլիսի 28-ից օգոստոսի 20-ը

ՀՀ ԿԲ. Թանկարժեք մետաղների գներ եւ փոխարժեքներ - 27-07-24

Տնտեսություն

ՀՀ ԿԲ. Թանկարժեք մետաղների գներ եւ փոխարժեքներ - 27-07-24

Fitch-ը հաստատել է Հայաստանի տնտեսական վարկանիշը «BB-» մակարդակում՝ կայուն հեռանկարով

Տնտեսություն

Fitch-ը հաստատել է Հայաստանի տնտեսական վարկանիշը «BB-» մակարդակում՝ կայուն հեռանկարով

ՀՀ ՄԻՊ-ը ելույթ է ունեցել «Առաջնորդությունը որպես փոփոխությունների վրա ազդելու միջոց» թեմայով քննարկմանը

Հայաստան

ՀՀ ՄԻՊ-ը ելույթ է ունեցել «Առաջնորդությունը որպես փոփոխությունների վրա ազդելու միջոց» թեմայով քննարկմանը

Արարատ Միրզոյանը հաջողություն է մաղթել Օլիմպիական խաղերին մասնակցող Հայաստանի թիմին

Սպորտ

Արարատ Միրզոյանը հաջողություն է մաղթել Օլիմպիական խաղերին մասնակցող Հայաստանի թիմին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում