1 րոպեի ընթերցում
ԵՐԵՎԱՆ, 1 ՄԱՅԻՍԻ, ԱՐՄԵՆՊՐԵՍ: Երևանի Հանրապետության հրապարակում հավաքվել են Փաշինյանի կողմնակիցները:«Արմենպրես»-ի հաղորդմամբ` քաղաքացիներն այստեղ են եկել բազմապիսի պաստառներով ուսպասում են Ազգային ժողովում վարչապետի ընտրության արդյունքներին:
Ազգային ժողովը մայիսի 1-ին 12:00-ին գումարելու է վարչապետի ընտրության հարցի քննարկման նպատակով հրավիրված հատուկ նիստը: ՀՀ վարչապետի թեկնածու է գրանցվել միայն «Ելք» խմբակցության ղեկավար Նիկոլ Փաշինյանը: Այլ թեկնածություններ չեն առաջադրվել:
Ազգային ժողովի մյուս երեք խմբակցությունները՝ ՀՀԿ-ն, «Ծառուկյան»-ը և ՀՅԴ-ն, հայտարարել են թեկնածու չառաջադրելու մասին: «Ծառուկյան», ՀՅԴ խմբակցությունները սատարելու են վարչապետի պաշտոնին հավակնող միակ թեկնածու Փաշինյանին: ՀՀԿ-ն մինչև վարչապետի թեկնածուի քվեարկությունը կհրապարակի խմբակցության որոշումը: