Քաղաքականություն

Քերոլայն Քոքսը Միացյալ Թագավորության Լորդերի պալատում հատուկ զեկույցով հանդես կգա Լեռնային Ղարաբաղում ստեղծված իրավիճակի վերաբերյալ

6 րոպեի ընթերցում

Քերոլայն Քոքսը Միացյալ Թագավորության Լորդերի պալատում հատուկ զեկույցով հանդես կգա Լեռնային Ղարաբաղում ստեղծված իրավիճակի վերաբերյալ

ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Միացյալ Թագավորության Լորդերի պալատի անդամ, բարոնուհի Քերոլայն Քոքսն ընդգծում է, որ Ադրբեջանի կողմից Լաչինի միջանցքն արգելափակելու հետևանքով Արցախից ստացվող տեղեկությունները մտահոգիչ են ու տագնապալի։ Սեպտեմբերի 15-ին կայացած ասուլիսում Քերոլայն Քոքսը հայտնել է, որ այս շաբաթ իր գործընկերների հետ այցելել է Սյունիքի մարզի Տեղ համայնք, հանդիպել հայ զինվորականների, ովքեր եղել են առաջնագծում, իրենց աչքերով տեսել են այն վայրերը, որտեղ դիրքավորվել են ՀՀ տարածք ներխուժած ադրբեջանական զինված ստորաբաժանումները։

«Մենք այցելեցինք նաև Լաչինի միջանցքի սկզբնամաս, տեսանք բեռնատարների շարասյունը, որը պետք է հումանիտար օգնություն տեղափոխեր Արցախ, սակայն շրջափակման պատճառով զրկված է այդ հնարավորությունից։ Տեսանք ադրբեջանական անցակետը, որն ապօրինաբար թույլ չի տալիս մարդասիրական բեռներ տեղափոխել կարիքավորներին։ Արցախից մեզ հասած տեղեկություններն իսկապես մտահոգիչ են ու տագնապալի։ Այնտեղ շատերը նույնիսկ ուշաթափվում են սովից, անձամբ տեսել եմ մի մարդու լուսանկարը, ով մահացել է սովահարությունից։ Հղի կանանց 90 տոկոսն ունի անեմիա, վիժումների քանակը սաստիկ ավելացել է սթրեսի բարձր մակարդակի և կենսական ապրանքների ու դեղամիջոցների անհասանելիության պատճառով։ Հատկապես վտանգված է քրոնիկ հիվանդություններ ունեցող անձանց, հաշմանդամների, տարեցների ու երեխաների կյանքը»,- ասաց Քերոլայն Քոքսը։

Նա վկայակոչեց Արցախից ստացված տեղեկությունները, որոնց համաձայն՝ սննդի պաշարները վերջանում են, նույնիսկ հացի կտրոնով հաց ստանալը երաշխավորված չէ, մարդիկ իրենց զգում են ինչպես բանտում՝ չիմանալով, թե որքան ժամանակ պետք է մնան նման ծանր պայմաններում։ Բարոնուհին ցավով արձանագրեց, որ Արցախի բնիկ հայ քրիստոնյա բնակչությունը կանգնած է իր պատմական հողերից վտարվելու, էթնիկ և կրոնական զտման ենթարկվելու հարաճուն վտանգի առջև, մանավանդ որ Ադրբեջանի քաղաքական ղեկավարությունը չի էլ թաքցնում Հայաստանը գրավելու իր ռազմավարական նպատակները։

Քերոլայն Քոքսի խոսքով՝ այս վճռորոշ պահին, երբ ժողովրդավարությունը գլոբալ մակարդակում նահանջ է արձանագրում, ինքը շատերի նման հիասթափվում եմ գերտերությունների քայլերից, որոնք շարունակում են ճնշում գործադրել Հայաստանի վրա, որպեսզի ընդունի Ադրբեջանի գերիշխանությունն Արցախի նկատմամբ։

«Խաղաղության պայմանագիր ստանալու և առևտրային համաձայնագիր կնքելու դիմաց արցախահայությունից ակնկալում են հրաժարում ինքնորոշման միջազգային իրավաչափ իրավունքից։ 120 հազար բնիկ հայեր այդ դեպքում կդառնան հակահայկական ավտորիտար պետության քաղաքացիներ, քանի որ Ալիևների ընտանիքի ռեժիմը մարդկանց հիմնարար իրավունքների ոտնահարման, ազատությունների լայնամասշտաբ սահմանափակման տխրահռչակ պատմություն ունի։ Փաստորեն նման պայմաններում պետք է ինտեգրվի արցախահայությունը, որը ստիպված կլինի իր ժողովրդավարությունը զոհել ավտորիտար ռեժիմին՝ զրկվելով սեփական տարածքը տնօրինելու հնարավորությունից։ Մեծ ցավով պետք է ընդունենք այն իրողությունը, որ Հայոց ցեղասպանությունը չի ավարտվել։ Այն ինչ հիմա արվում է Արցախի նկատմամբ, շատ հավանական է, որ հետագայում կարվի նաև Հայաստանի նկատմամբ»,- եզրակացրեց բարոնուհի Քոքսը։

Ասուլիսի մյուս բանախոսը՝ Միջազգային քրիստոնեական համերաշխության կազմակերպության նախագահ Ջոն Էյբներն իր հերթին ասաց, որ Արցախում երեսուն տարի անց դեռ տեղի են ունենում էթնիկ զտումներ, և պատերազմն այսօր եկել է նաև Հայաստան։

«Մենք տեսել ենք ռազմական գործողությունների արդյունքում գրավված հայկական տարածքները, որտեղից մարդիկ տարհանվել են։ Պատերազմը սովորաբար ունենում է տարբեր գործիքներ, ընթանում է տարբեր մակարդակներում, սակայն Ադրբեջանի նպատակները շատ պարզ են, նոր չեն, դրանց ծանոթ ենք կոնֆլիկտի պատմության ողջ ընթացքում։ Ադրբեջանը ցանկանում է այդ տարածքները տեսնել առանց հայերի։ Այժմ հակամարտությունը տեղափոխվել է դիվանագիտական տիրույթ, որն ուղեկցվում է ռազմական սպառնալիքներով»,- ասաց Էյբները։

Նա վկայակոչեց Ադրբեջանի նախագահի ներկայացուցիչ Էլչին Ամիրբաևի հարցազրույցը «Դոյչե Վելե»-ին, որի ընթացքում նա ասել է, որ «Արցախում ցեղասպանությունը հնարավոր է, եթե այնտեղ սեպարատիստները շարունակեն գործել»։ Էյբների կարծիքով՝ դա հենց ցեղասպանության սպառնալիք է, մինչդեռ գերտերությունները սատարում են Ադրբեջանին, իսկ ինքնորոշման իրավունքի պաշտպանությունն ասես դուրս է մղվել միջազգային օրակարգից։

Բանախոսները շեշտեցին, որ խորապես հիասթափված են միջազգային հանրության, այդ թվում՝ Մեծ Բրիտանիայի ջանքերից՝ կանխելու Արցախում հնարավոր կործանարար զարգացումները։ Նրանք պնդեցին այն տեսակետը, որ վաղուց հասունացել է Ադրբեջանի քաղաքական ղեկավարության նկատմամբ պատժամիջոցներ կիրառելու պահը։

Քերոլայն Քոքսը հավաստիացրեց, որ Միացյալ Թագավորություն վերադառնալուն պես խորհրդարանի Լորդերի պալատում կկազմակերպի քննարկում և հանդես կգա Լաչինի միջանցքում և Արցախում ստեղծված իրավիճակի վերաբերյալ հատուկ զեկույցով։

Մանվել Մարգարյան

Բելգիայում և ԵՄ-ում ՀՀ դեսպանը հաջողություն է մաղթել Մարինա Կալյուրանդին

Քաղաքականություն

Բելգիայում և ԵՄ-ում ՀՀ դեսպանը հաջողություն է մաղթել Մարինա Կալյուրանդին

Մարինա Կալյուրանդն ավարտում է պաշտոնավարումը՝ որպես ԵԽ-ում Հարավային Կովկասի հետ հարաբերությունների պատվիրակության ղեկավար

Քաղաքականություն

Մարինա Կալյուրանդն ավարտում է պաշտոնավարումը՝ որպես ԵԽ-ում Հարավային Կովկասի հետ հարաբերությունների պատվիրակության ղեկավար

ՀՀ ԱԳ նախարարը կմասնակցի ՄԱԿ կայուն զարգացման բարձր մակարդակի քաղաքական ֆորումի նախարարական սեգմենտին

Քաղաքականություն

ՀՀ ԱԳ նախարարը կմասնակցի ՄԱԿ կայուն զարգացման բարձր մակարդակի քաղաքական ֆորումի նախարարական սեգմենտին

ԱՄՆ պետքարտուղարի տեղակալ Ուզրա Զեյան այցելել է Հայոց ցեղասպանության հուշահամալիր

Հայոց ցեղասպանություն

ԱՄՆ պետքարտուղարի տեղակալ Ուզրա Զեյան այցելել է Հայոց ցեղասպանության հուշահամալիր

Իրանը հավատում է, որ այլ երկրների հետ ՀՀ փոխհարաբերությունները բացասական ազդեցություն չեն թողնի Իրանի հետ հարաբերությունների վրա. ԻԻՀ դեսպան

Արտաքին քաղաքականություն

Իրանը հավատում է, որ այլ երկրների հետ ՀՀ փոխհարաբերությունները բացասական ազդեցություն չեն թողնի Իրանի հետ հարաբերությունների վրա. ԻԻՀ դեսպան

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

Արտաքին քաղաքականություն

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

Հայաստանի հետ սահմանի խզումը Իրանի համար կարմիր գիծ է. ԻԻՀ դեսպան Մեհդի Սոբհանի

Արտաքին քաղաքականություն

Հայաստանի հետ սահմանի խզումը Իրանի համար կարմիր գիծ է. ԻԻՀ դեսպան Մեհդի Սոբհանի

Իրանն ամեն ինչ կանի, որ տարածաշրջանում պատերազմ չլինի. դեսպան Սոբհանի

Արտաքին քաղաքականություն

Իրանն ամեն ինչ կանի, որ տարածաշրջանում պատերազմ չլինի. դեսպան Սոբհանի

Վստահ եմ, որ մեր առանձնաշնորհյալ հարաբերությունները կշարունակեն խորանալ գալիք տարիներին. Միրզոյանը Ֆրանսիայի ազգային տոնի առթիվ շնորհավորել է Սեժուրնեին

Արտաքին քաղաքականություն

Վստահ եմ, որ մեր առանձնաշնորհյալ հարաբերությունները կշարունակեն խորանալ գալիք տարիներին. Միրզոյանը Ֆրանսիայի ազգային տոնի առթիվ շնորհավորել է Սեժուրնեին

Ֆրանսիայի աջակցությունը Հայաստանին անվերապահ է, լիակատար և մշտական. Ֆրանսիայի Ազգային տոնի առթիվ տեղի ունեցավ տոնական միջոցառում

Արտաքին քաղաքականություն

Ֆրանսիայի աջակցությունը Հայաստանին անվերապահ է, լիակատար և մշտական. Ֆրանսիայի Ազգային տոնի առթիվ տեղի ունեցավ տոնական միջոցառում

ՀՀ վարչապետն ընդունել է ԱՄՆ պետքարտուղարի տեղակալին

Քաղաքականություն

ՀՀ վարչապետն ընդունել է ԱՄՆ պետքարտուղարի տեղակալին

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում