388.05
Երևանի ավագանու ընտրություններում «Ուժը հայրենյաց» կուսակցության ցուցակը կգլխավորի իրավաբան Նելլի Հարությունյանը
2 րոպեի ընթերցում
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: «Ուժը հայրենյաց» կուսակցության համահիմնադիր Նատալյա Արզաքանցյանը (Ռոտենբերգ) որոշել է, որ Երևանի ավագանու ընտրություններում կուսակցության ընտրական ցուցակը պետք է գլխավորի արդարադատության երրորդ դասի պետական խորհրդական, իրավաբանական գիտությունների թեկնածու Նելլի Հարությունյանը։ «Արմենպրես»-ին այս մասին տեղեկացրին կուսակցության գրասենյակից։
«Նատալյա Արզաքանցյանը նպատակահարմար է գտնում աշխատել թիմում` ի շահ Երևանի և երևանցիների, ապահովել մեր երազանքների մայրաքաղաքի առաջընթացը:
Այսպիսով, ցանկանում ենք տեղեկացնել, որ «Ուժը հայրենյաց» կուսակցության ընտրական ցուցակը կգլխավորի արդարադատության երրորդ դասի պետական խորհրդական, իրավաբանական գիտությունների թեկնածու Նելլի Հարությունյանը։
Նելլի Հարությունյանը տասնամյակներ շարունակ աշխատել է իրավապահ համակարգում։ Նա զբաղեցրել է մի շարք պաշտոններ։ Եղել է ՀՀ գլխավոր դատախազության միջազգային-իրավական կապերի բաժնի պետը,հատկապես կարևոր գործերի քննության գլխավոր վարչության ավագ քննիչ,ՀՀ քաղաքացիական ավիացիայի կոմիտեի իրավաբանական վարչության պետը։ Մինչ օրս «Հայաէրոնավիգացիա» ՓԲԸ գլխավոր տնօրենի իրավախորհրդատուն է»,- ասվում է հաղորդագրության մեջ։
