Սաուդյան Արաբիան հայտարարել է Սիրիա զորք ուղարկելու պատրաստակամության մասին
1 րոպեի ընթերցում
![Սաուդյան Արաբիան հայտարարել է Սիրիա զորք ուղարկելու պատրաստակամության մասին](http://armenpress.am/resized/480/static/news/b/2018/04/930301.jpg)
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Սաուդյան Արաբիայի արտաքին գործերի նախարար Ադիլ ալ-Ջուբեյրը հայտարարել է, որ թագավորությունը պատրաստ է զորք ուղարկել Սիրիա ահաբեկչության դեմ պայքարի համար, եթե նման առաջարկություն լինի ամերիկյան վարչակազմի կողմից: Ինչպես փոխանցում է «Արմենպրես»-ը, այդ մասին տեղեկացրել է Al-Ekhbariya հեռուստաընկերությունը:
«Մենք այս տարեսկզբից բանակցություններ ենք վարում ԱՄՆ-ի հետ՝ զինված ուժեր Սիրիա ուղարկելու առնչությամբ: Այդ առաջարկություններն ու գաղափարը նոր չեն»,- ասել է նախարարը:
Նա հիշեցրել է, որ այդ բանակցությունները վարվել են դեռևս Օբամայի վարչակազմի հետ, «սակայն այն վերջիվերջո քայլեր չի ձեռնարկել այդ առաջարկի ուղղությամբ»: