Գեորգի Վադաչկորիան կսպասարկի Հայաստան-Էստոնիա հանդիպումը

ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Հայտնի է, թե ովքեր կսպասարկեն Հայաստան-Էստոնիա ընկերական հանդիպումը:

«Արմենպրես»-ի հաղորդմամբ` այս մասին գրում է ՀՖՖ-ն: Մարտի 24-ին կայանալիք Հայաստան-Էստոնիա ընկերական հանդիպումը կսպասարկեն վրացի մրցավարները: Գլխավոր մրցավարն է Գեորգի Վադաչկորիան, մրցավարի օգնականներն են Զազա Պիպիան և Դավիթ Չիգոգիձեն: Չորրորդ պաշտոնյայի պարտականությունները կկատարի Արման Ալաբերքյանը Հայաստանից:

Հանդիպումը կմեկնարկի Երևանի ժամանակով 18:00-ին: