1 րոպեի ընթերցում
ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Հայաստանում սեպտեմբերին բռնցքամարտի միջազգայի մրցաշար կանցկացվի, որը կկրի Օլիմպիական խաղերի չեմպիոն Վլադիմիր Ենգիբարյանի անունը:
«Արմենպրես»-ի հաղորդմամբ` այս մասին լրագրողների հետ զրույցում ասաց Հայաստանի բռնցքամարտի ֆեդերացիայի նախագահ Արթուր Գևորգյանը: «Այս տարի սեպտեմբեր ամսին մենք կանցկացնենք միջազգային մրցաշար, որում կփորձենք ցույց տալ, թե մենք ինչ որակների միջազգային մրցաշար կարող ենք անցկացնել: Որն էլ նախապայման կհանդիսանա, որ AIBA-ն համաձայնի 2019 թվականին Օլիմպիական խաղերի վարկանիշային մրցաշարերից մեկն անցկացնել Հայաստանում: Այն կկրի Վլադիմիր Ենգիբարյանի անունը և մեծահասակների Ա դասի մրցաշար է լինելու: Տեսնենք, քանի երկիր կմասնակցի»,-ասաց Գևորգյանը: