368.05
Կովկասի մահմեդականների վարչության նախագահը խախտել է Ադրբեջանի օրենսդրությունը՝ կոչ անելով ընտրել Իլհամ Ալիևին
1 րոպեի ընթերցում
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Կովկասի մահմեդականների վարչության նախագահ Ալլահշուքյուր Փաշազադեն կոչ է արել Ադրբեջանում ապրիլի 11-ին կայանալիք արտահերթ նախագահական ընտրություններում քվեարկել Իլհամ Ալիևի օգտին, ինչը հակասում է Ադրբեջանի օրենսդրությանը:
Այս մասին, ինչպես հաղորդում է «Արմենպրես»-ը, հայտնում է ադրբեջանական «Թուրան» լրատվական գործակալությունը:
Նախագահական ընտրություններում թեկնածությունն առաջադրած Ադրբեջանի «Սպիտակ կուսակցության» նախագահ Թուրալ Աբբասլին, մեկնաբանելով Փաշազադեի կոչը, նշել է, որ օրենքն արգելում է կրոնական անձանց և կազմակերպությունների միջամտությունը քաղաքական գործընթացներին, քանի որ Ադրբեջանը աշխարհիկ պետություն է:
Աբբասլին հայտնել է, որ իր գրասենյակը պաշտոնական բողոք է ներկայացնելու Ադրբեջանի կենտրոնական ընտրական հանձնաժողով:
Բաժանորդագրվեք մեր ալիքին Telegram-ում