Սիրիայում և Իրաքում գործող ծայրահեղական կրոնական խմբավորումների կազմում սպանվել են 300-ից ավելի ադրբեջանցիներ
1 րոպեի ընթերցում
![Սիրիայում և Իրաքում գործող ծայրահեղական կրոնական խմբավորումների կազմում սպանվել են 300-ից ավելի ադրբեջանցիներ](http://armenpress.am/resized/480/static/news/b/2018/01/920639.jpg)
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Ադրբեջանի կրոնական կազմակերպությունների հետ աշխատանքի պետական կոմիտեի փոխնախագահ Սայավուշ Հեյդարովը հայտնել է, որ Սիրիայում և Իրաքում գործող ծայրահեղական կրոնական խմբավորումների կազմում մինչ օրս սպանվել է ավելի քան 300 ադրբեջանցի:
Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:
Հեյդարովի փոխանցմամբ` ծայրահեղական կրոնական խմբավորումների կազմում զինված գործողություններին մասնակցող 92 անձի վերաբերյալ Ադրբեջանի արդարադատության համակարգում գործ է հարուցված:
«Իրաքում և Սիրիայում գործող այդ խմբավորումներին անդամակցող 260 անձ էլ դատարանի որոշմամբ զրկվել է Ադրբեջանի քաղաքացիությունից»,- նշել է Հեյդարովը: